CAGAYAN DE ORO CITY – Gipaubos na sa otopsiya ang lawas sa usa ka 42 anyos nga lalaki human maghikog-patay sa Sitio Mahigugmaon, Kimaya, Jasaan, Misamis Oriental kagahapon.
Giila ni Police Lt. Princess Velarde, tigpamaba sa Misamis Oriental Provincial Police Office, ang biktima nga si Rudy Edot, molopyo sa maong dapit.
Subay sa imbestigasyon Jasaan Police Station, gibutyag sa igsoon sa biktima nga nagbaton sa suliran sa pangutok ang iyang igsoon human gibiyaan sa iyang kapuyo ug nagduda sab sila nga naigo kini sa depresyon.
Nylon nga pisi ang gigamit sa biktima sa paghikog sulod sa iyang lawak.
