CAGAYAN DE ORO CITY – Gipangita sa kapolisan ang suspek nga midunggab-patay sa iyang higala sa Manolo Fortich, Bukidnon.
Giila ni Police Lt. Col Chris Cuaresma, hepe sa Manolo Fortich Police Station ang suspek nga si Marjun Montegrande, 19 anyos, ulitawo ug residente sa Brgy Pagatpat sa syudad.
Samtang ang namatay nga biktima mao si Orly Alcairo Torion, 27 anyos ug residente sa Damulog, Bukidnon.
Base sa report, nabikil ang suspek sa pagka-ungitan ug sabaan sa biktima hinungdan nga iyang gidunggab.
Natigayon ang pagdunggab sa iyang kauban sa trabaho sulod sa Mother Theresa Establishment nga nahimutang sa Zone 5, Brgy Mambatangan sa Manolo Fortich,Bukidnon.
