CAGAYAN DE ORO CITY –Gikasuhan na ang lalaki nga nagpakatag sa hubo nga hulagway sa iyang live in partner sa Tagoloan, Misamis Oriental.
Gibutyag ni Police Corporal Jackie Lou Malagamba, WCPD chief sa Tagoloan Police Station nga gipasaka nila ang pagsupak sa RA 9995 o Anti-Photo and Video Voyeurism Act of 2009 sa suspek nga si alyas Boy.
Nasikop si alyas Boy sa usa ka entrapment operation human misumbong sa kapolisan ang biktima nga si alyas Nene.
Kini tungod sa gipakatag ang hubo nga hulagway niini sa facebook kay dili na kini makigbalik sa suspek human sila nagkabulag.
