CAGAYAN DE ORO CITY – Gihimuan pa sa dugang imbestigasyon sa kapolisan ang pagpusil-patay sa lalaki nga pabiling wala pa mailhi sa Baculio Street,Brgy Puntod ning syudad kaganihang buntag.
Miingon si Puntod Police Station commander Major Jerson Estanilla nga balikan pa nila ang crime scene sa pamasin nga dunay naka-capture nga CCTV camera kon kinsa ang mipusil-patay sa biktima diin naigo sa dughan nga milahos sa likod.
Tuyo niini nga ma-establisar ang motibo sa kremin ug matumbok ang nagpusil-patay ug ang posibleng nagsugo sa hitabo.
Kasamtangang gidala ang patay’ng lawas sa Bollozos Funeral Homes aron maatiman ayha itugyan sa tatungod nga mokuha niini
Hisayrang ang maong biktima dunay patik apan hanap-hanap na sa liog nga bahin niini.
