CAGAYAN DE ORO CITY-Gipusil-patay ang usa ka lalaki samtang gikan sa inom kuyog sa mga higala sa Sitio Taguanao,Brgy Indahag ning syudad kagahapon sa hapon.
Giila ni Police Insp Paul Jean Ragmac,team leader sa Scene of the Crime Operatives o SOCO-10 ang biktima nga si Elmer Parba,28 anyos nga nagpuyo sa maong lugar.
Miingon si Ragmac nga naigo sa dughan ug milahos sa likod ni Parba hinungdan sa kamatayon niini.
Sa pagkakaron,mihimo pa’g dugang imbestigasyon ang kapolisan kon kinsa ang mga suspek ug ang motibo sa kremin.
Nasayran nga mismo usab ang amahan sa biktima ang gidunggab-patay sa wala mabutyag nga hinungdan sa miaging katuigan.
