CAGAYAN DE ORO CITY-Patay sa pagpamusil sa wala mailang suspek ang usa ka lalaki samtang nanan-aw lamang sa telebisyon diha sa Brgy Bagocboc,Opol,Misamis Oriental kagabii.
Giila ang biktima nga si Nelson Daing,44 anyos,ulitawo nga nagpuyo sa maong dapit.
Sa inisyal nga report,may nanuktok nga wala mailang lalaki sa pinuy-anan sa biktima apan pag-abli sa
pultahan ang gilayong gipusil sa wala matino nga hinungdan.
Gidali pa pagdala sa Northern Mindanao Medical Center ang biktima apan wala na kini matabang sa mga doktor tungod sa igo sa agtang ug li-og.
Gisuta pa sa mga otoridad kon unsa’y hinungdan sa kamatayon sa biktima.
