CAGAYAN DE ORO CITY-Kasuhan sa murder ang suspek pagtigbas patay sa usa ka lalaki sa Sitio Bugwak, Brgy Sta Cruz, Tagoloan, Misamis Oriental kaganihang kadlawon.
Giila ang biktima nga si Jufil Menoza, 33 anyos nga nagpuyo sa maong lungsod.
Gibutyag ni Insp Roberto Cambi, deputy commander sa Tagoloan Police Station nga maoy mihimo sa kremin si Francisco Laborte, hingkod ang panuigon nga nagpuyo sa susamang dapit.
Giingong naglasong una ang biktima diin adunay nadunggan nga buto sa armas ug natigayon usab ang pagpanigbas.
Gilayong nadakpan ang suspek hinungdan nga kasuhan kini sa murder sa piskalya sunod semana.
