CAGAYAN DE ORO CITY-Patay sa pagpanigbas ang usa ka lalaki samtang samaron ang kauban niini nga ig-gaw samtang igo lamang nagpalit sa segarilyo sa lungsod sa Sugbongcogon,Misamis Oriental kagabii.
Giila ang namatay’ng biktima nga si Melvin Semine,hingkod ang panuigon,ulitawo ug nagpuyo sa maong lungsod.
Samaron usab ug nagpaalim sa Northern Mindanao Medical Center ang ig-gaw ni Melvin nga si John Dale Semine.
Namahayag ang inahan ni Melvin nga si Marilyn Semine nga samtang sila nagpalit sa segarilyo,kalit sila nga gipareglahan sa mga suspek nga giila nga sila si Bom Em UG Wowie Tagub.
Hinoon,gilayong nasikop sa kapolisan ang mga suspek dihang gilayong naka-responde ang kapolisan sa hitabo.
