CAGAYAN DE ORO CITY-Gikasubo sa Provincial Disaster Risk Reduction and Management Council nga patay nang nakita ang lalaki nga naanod tungod sa pagbaha sa spillway sa Gingoog City,Misamis Oriental kagahapong adlawa.
Kini nunot na sa nasinatiang kusog ngapagbundak sa pag-ulan sa lalawigan epekto sa tail end of a cold front dinhi sa Mindanao.
Matud ni PDRRMC Executive Director Fernando Sotsot Dy Jr nga patay nang nakita ang biktima nga si Crespin Mantegmo,24 anyos nga nagpuyo sa Brgy Sangalan diha sa Brgy Kamanhikan,Gingoog City kaganihang bunta.
Hisayrang naanod si Mantegmo tungod sa pagsalbar sa ilang pinutol nga kahoy’g falcata.
