CAGAYAN DE ORO CITY – Walay nakit-ang foul play ang kapolisan sa gidangatang-kamatayon sa nakit-ang lalaki sa baybayong-bahin sa dagat sa Purok 7,Brgy Punta,Panaon,Misamis Occidental.
Giila sa kapolisan ang biktima nga si Redick Paul Lee Mabatid,hingkod ang edad ug nagpuyo sa Brgy Butuay,Jimenez sa maong lalawigan.
Sa nahuptang medical findings sa kapolisan, nalatid nga ‘cardio pulmonary attack’ ang rason sa kamatayon sa biktima.
Kini human gilayong gipahiling sa mga otoridad ang patay’ng lawas sa biktima sa Panaon Rural Health Center dihang nakaplagan sa nagpakabanang mga residente.
