CAGAYAN DE ORO CITY-Posibleng nagbaton sa balatian hinungdan nga namatay ang usa ka wala mailang lalaki diha sa dalang Velez-Neri ning syudad kagabii.
Nakit-ang nagbuy-od na lamang ang biktima hinungdan nga gidali pagdala sa rescuers sa J.R. Borja City Hospital aron unta masalbar sa mga doktor.
Apan nasuta nga walay nakit-ang bisan unsa nga samad o ilhanan nga kini tinuyo nga gipatay hinungdan nga posibleng giatake siya sa wala matumbok nga balatian.
Inisyal nga gibutyag sa kapolisan nga posibleng namatay ang biktima tungod sa gihambin niini nga sakit.
