CAGAYAN DE ORO CITY-Ipaubos sa otopsiya ang patay’ng lawas sa gitoohang sika driver nga nakit-an sa katawhan diha sa Castro St,Brgy Carmen ning syudad.
Kini human wala’y nakit-ang samad o bun-og ang lawas sa wala pa mailang lalaki ning panahona.
Gibutyag ni SPO2 Ryan Gamber,imbestigador sa Carmen Police Station nga mihimo pa sila sa dugang pag-imbestigar kabahin sa maong hitabo.
Giawhag ang pamilya nga nawad-a’g miembro sa panimalay pagbisita sa Carmen Police Station o Bollozos Funeral Parlor aron pagsuta sa patay’ng lawas sa biktima.
