CAGAYAN DE ORO CITY-Gihimuan pa’g imbestigasyon sa kapolisan ang kamatayon sa usa ka lalaki nga nakit-an diha sa Upper Brgy Puerto sa syudad kaganihang buntag.
Gibutyag sa Puerto Police Station nga gisuta pa nila ang hinungdan sa kamatayon sa maong wala pa maila nga biktima nga nakit-an daplin sa highway sa lugar.
Sa inisyal nga pakisusi sa mga otoridad,may nakit-ang paghubag sa li-og sa biktima sa dihang kini nakit-an sa mga residente sa maong lugar.
Nasuta nga nakasul-ob sa pulos kolor pula nga senina ug shorpants ang biktima atol sa pagkadiskobrehe niini sa mga tawo.
Hisayrang gibutyag ni SOCO medico legal officer Dr Christian Caballes nga bugtong marka sa lamang sa pusas ang ilang nakit-an sa duha ka kamot sa biktima diin gitoohan nga gipatay kini kaganiha pa nga kadlawon.
