CAGAYAN DE ORO CITY-Gisuta sa kapolisan kon dunay foul play ang kamatayon sa lalaki diha sa dalang Valenzuela, Agora, Brgy Lapasan ning syudad kagabii.
Giila ni Agora Police Station deputy commander Insp Michael Daba ang biktima nga si Codie Barsopia,34 anyos ug residente sa nasampit nga lugar.
Miingon si Daba nga igo ra nagbaklay ang biktima nga lango sa makahubog nga ilimnon dihang nadigyas ang tungod sa kadanlog sa dalan dala sa pagbubo sa ulan.
Dead on arrival nga gidala ang biktima sa ospital aron unta isalbar tungod sa hitabo.
