CAGAYAN DE ORO CITY – Gitoohan nga nalumos patay ang usa ka lalake diha sa Barangay Sta Ana, Tagoloan, Misamis Oriental.
Giila ni Police Chief Master Msgt Guillermo Casiño Jr, investigator Tagoloan Police Station ang biktima nga si Jonathan Dagos Labor, residente sa maong dapit.
Si Casiño miingon nga tulo ka adlaw na nga na-missing ang biktima ug patay na kining nakaplagan sa iyang pamilya daplin sa suba.
Asoy ni Casiño nga kumbinsido ang pamilya sa nabiktima nga walay foul play sa kamatayon niini ilabina nga kanunay kining gapamingwit isda sa suba.
Hisayran nga ang biktima adunay deperensya sa pangisip.
