CAGAYAN DE ORO CITY – Gipangita pa sa kapolisan ang suspek pagpusil-patay sa gikainom niini nga lalaki sa usa ka tindahan sa San Agustin Valley Homes Subdivision,Calaanan,Brgy Canitoan ning syudad kagabii.
Kini human wala makaabot pa alang unta sa pagtamod sa mga mahal nga adlaw ning semana santa.
Giila ni Bulua Police Station commander Police Maj. Peter Tajor ang biktima nga si Jim Gutierrez,41 anyos samtang ang suspek mao usab si Albert Cenas nga managsama nagpuyo sa maong lugar.
Gibutyag sa imbestigasyon nga sa buntag pa lang nagsumbagay na ang duruha.
Nasubli ang ilang panagsumbagay gikan sa ilang pag-inom-inom kagabii nga mi-resulta na sa pagpamusil sa suspek gamit ang kalibre 45 nga armas ngadto sa biktima.
Nakaangkon sa upat ka igo ang biktima hinundang wala na kini matabang.
Dali usab nga misibat ang suspek sa wala matino nga direksyon paghuman sa kremin.
