CAGAYAN DE ORO CITY-Patay ang usa ka lalaki nga unang gi-kustodiya sa mini-cell sa kapolisan sa Barangay Lapasan ning syudad kaganihang kadlawon.
Giila ang biktima nga si Reynaldo Zapate,hingkod ang panuigon ug nagpuyo sa Brgy Consolacion sa syudad.Subay sa report nga naglasong sulod sa lodging house si Zapate kay wala pahulma’g celphone charger hinungdan nga gi-kustodiya sa kapolisan.
Apan dihang gipukaw ang biktima sulod sa selda,giingong wala na kini makamata hinungdan nga gidala sa Northern Mindanao Medical Center.
Apan pakyas na ang mga doktor sa pagsalbar sa kinabuhi niini.
Nagtoo ang mga otoridad nga posibleng giatake sa sakit sa kasingkasing ang bitkima hinungdan nga angay ipaubos sa otopsiya ang patay’ng lawas niini.
