CAGAYAN DE ORO CITY – Gawasnon na ning panahona ang drayber sa ambulansiya nga nakaligis-patay sa 33-anyos nga lalaki diha sa Tagoloan, Misamis Oriental.
Sumala ni Police Staff Sgt. Noel Miniano, imbestigador sa Tagoloan Police Station nga nakig-areglo ang pamilya sa biktima nga si Renante Agkilan sa suspect nga si Maximo Auditor.
Si Miniano miingon nga aksidenteng naligsan ni Auditor ang biktima dihang kalit kini nga mihigda sa tunga sa dalan tungod sa sobrang kahubog.
Wala mabantayi sa drayber ang biktima tungod kay nakasul-ob kini sa itom nga t-shirt.
Una niini, dead on the spot ang biktima human malata ang ulo niini dihang nalatayan sa ambulansiya.
