CAGAYAN DE ORO CITY – Nadakpan sa kapolisan ang lalaki nga namusil sa usa ka quarantine checkpoint diha sa Brgy Puerto ning syudad kagabii.
Giila ni Capt. Ron Baba, hepe sa Puerto Police Station ang suspek nga si Ronald Owapin, 42-anyos, DI-listed ug residente sa Upper Barangay Puerto ning syudad.
Miingon si Baba nga kalit nagpabuto sa iyang .38 revolver nga armas ang suspek dihang gipara sa checkpoint hinungdan sa nahitabong engkwentro.
Gawas sa suspek, samaran usab ang usa ka babaye kinsa padayon pang gitambalan sa ospital samtang nakasibat ang laing babaye nga kauban niini.
Hisayran nga sakay sa sakyanan nga kolor green ang mga suspetsado dihang gipara kini sa mga pulis.
