CAGAYAN DE ORO CITY-Nangayo’g hustisya ang pamilya sa empleyado sa municipal govt sa Tagoloan,Misamis Oriental nga gipatay sa wala mailang mga suspek samtang namisita didto sa Marawi City.
Kini human nakaangkon sa daghang dinunggaban ug punusilan ang biktima nga si Jexie Ray Ungab,23 anyos,ulitawo nga nagpuyo sa lungsod sa Tagoloan ning lalawigan.
Sugilon sa pamilya sa biktima,nananghid kini motambong sa usa ka birthday party apan wala niini gisulti kon sa Marawi City ang iyang paga-adtuan niadtong Nob 17 ning tuiga.
Sa pagkakaron,nangayo’g pribasiya ang pamilya sa biktima samtang kamulo kining gihaya sa usa mga punerarya ning syudad.
Si Ungab ang bag-uhay pa lamang nahimong empleyado sa administrasyon ni Tagoloan Mayor Manok Emano.
Nasayran nga igo na lamang gikuha sa pamilya ang patay’ng lawas sa biktima nga nagbaton sa dul-ag 20 ka samad sa kalawasan sa punerarya sa Iligan City ayha gidala dinhi sa syudad ning semanaha.
