CAGAYAN DE ORO CITY- Emosyonal nga nanganti ang pamilyang Biñan nga kasuhan ang babaye nga responsable sa pagsunog-patay sa 37 anyos nga lalaki nga kaipon niini diha sa Zone 5,Brgy Mohon,Tagoloan,Misamis Oriental.
Kini human hingpit nabugtuan sa kinabuhi si Ponciano Biñan tungod sa pagkasunog sa kinatawo niini kay gibubu-ag gas ug gidauban sa iyang kaipon nga si Marites Sumambong sa miaging semana.
Miingon ang amahan nga si Elino Biñan nga daan na sila wala moangay sa maong babaye nga ikaparis sa ilang anak tungod sa daw apan niini sa panghuna-huna.
Una nang natulog ang biktima nga nakainom kay gikan nagbulad sa nilubo ng mga mais sa dihang sekreto nga gibubua’g gas sa suspek ang kinatawo niini hinungdan sa pagkasunog ug ubang parti sa lawas.
Gidala ap sa ospital ang biktima apan gipapauli kay mipasalig nga madala ra sa iyang lawas.
Gani,wala niya ipa-priso ang iyang kaipon nga suspek tungod sa sobra-sobra nga paghigugma niini apan hangtod sa pagkutlo ning balita,wala na kini magpakita pa sa pamilya sa biktima.
