CAGAYAN DE ORO CITY- Natunulan na sa ayudang pinansyal ang pamilya sa residente nga nalumos-patay samtang naglimpyo sa sapa nga gisundan sa pagbaha diha sa Brgy Kimaya,Villanueva,Misamis Oriental.
Kini human unang nadigyas ug nabunal sa culvert ang ulo ni Reynan Quilang,35 anyos hinungdan nalumos-patay.
Miingon si Villanueva MDRRMD head Norman Ricacho nga gitugtan na usab nila makabalik ang 19 ka pamilya o 77 ka indibidwal kinsa unang nanghikling gikan sa Brgy Dayawan, Poblacion ug San Martin tungod sa pagbaha niadtong Lunes sa hapon.
Nasayran usab nga diriyot maanod ang duha ka backhoe nga gigamit pagtrabaho sa maong lungsod tungod sa pagbaha.
