CAGAYAN DE ORO CITY – Gisikop sulod sa Gaisano City ang lalake nga nagbinuang nga may sulod nga bomba ang dala nga bag niini kagabii.
Miingon ang gwardya sa maong mall nga si Emmanuel Depende sa Sagitarrius Agency nga napugos sila pagpadakop sa mga pulis sa suspek nga si Dexter Duran nga taga-Opol ning lalawigan tungod sa alarma nga nahatag sa publiko.
Samtang giangkon ni Duran nga nasayop siya sa iyang gihimo ug nangayo’g pasaylo sa katawhan.
Apan alang kang Police Chief Master Sgt. Jerome Diolanto sa Macabalan Police Station,dili angay palabyon ang gihimo ni Duran gumikan kay nakasupak kini sa balaod.
Nasayran nga mismo ang anak ni Diolante nga babaye ang nakasaksi ug mibati’g kahadlok sa gihimo ni Duran sulod sa mall.
