CAGAYAN DE ORO CITY-Dakpan ug bun-og sa kalawasan ang naangkon sa usa ka lalake human giingong gilugos niini ang iyang bestfriend nga babaye sa Brgy Macabalan ning syudad.
Giila ang suspek nga si Junjun Alamid ug maoy iyang gisulaya’g lugos ang biktima nga si alyas Cherry Anne, 20-anyos nga residente sa maong dapit.
Matud sa barangay police nga si Elmer Sumicad, kinsa nakadakop sa suspek nga nag-inom ang biktima ug ang suspek sa usa ka bar.
Sa dihang nahubog na ang biktima, gisundan kini sa suspetsado padulong sa girentahan nga panimalay ug didto giingong gilugos.
Walay kasayuran ang biktima nga gilugos na siya sa suspek tungod sa sobra kahubog.
