CAGAYAN DE ORO CITY-Nagdala’g dakong tanghaga sa publiko ang pagkanaug nga walay underwears ang lalaki ug babaye gikan sa nadisgrasyang sakyanan sa flyover sa Macanhan, Brgy Carmen sa syudad kaganihang kadlawon.
Kini human mibangga sa poste nga may traffic signage ang Toyota Hi-Lux hinungdan sa pagkatumba niini.
Miingon si PO2 Mayko Algabre, traffic investigator sa Carmen Police Station nga hinoon luwas ang wala panganli nga mga biktima dihang nakagawas sa natumba nga sakyanan.
Mismo si Algabre ang mikonpronta sa duruha kon tinood nga wala sila’y sapot gikan sa natumba nga sakyanan apan gitubag lamang kini sa pahiyom.
Dugang ni Algabre nga gipahamtangan nila’g traffic violation ang driver sa pribadong sakyanan ug gitikitan.
