CAGAYAN DE ORO CITY-Kasuhan sa murder ug illegal possession of fire arms ang usa ka armadong lalaki nga mipatay sa iyang kaugalingon ig-agaw sa Brgy. Gusa ning syudad kagahapong adlawa.
Giila ang suspek nga si Jonnie Doe Balacuit, samtang ang biktima mao si Adam Paduga Bacalso Jr nga pulos nagpuyo sa maong dapit.
Segun sa report,napalgan ang patay’ng lawas sa biktima sa 4-A Hill Side sa susamang barangay.
Nakaangkon ang biktima sa igo pinusilan sa walang bahin sa iyang dughan nga maoy hinungdan sa iyang hinanaling kamatayon.
Narekober sa crime scene ang usa ka basyo sa bala sa kalibre 45 nga armas, usa ka unit sa itom nga Samsung, balor P140 cash, ug duha ka klase sa ATM cards.Balhog na sa Police Station 3 ang suspek.
