CAGAYAN DE ORO CITY – Gitambalan sa JR Borja City Hospital ang lalaki nga gipusil sa iyang silingan sa Zone 8 Lower Brgy Bulua ning syudad kagabii.
Giila ang biktima nga Johnny Balaquit, 30-anyos ug molopyo sa maong dapit.
Gibutyag ni Bulua Police Station Commander Police Capt. Jason Sto. Domingo nga posibling natripingan lamang si Balaquit sa iyang hubog nga silingang si alyas Oding.
Nakaangkon sa igo pinusilan ang biktima sa iyang sampot ug milahos sa tiyan niini.
Narekober sa crime scene ang usa ka kalibre 45 nga armas.Gipangita na sa kapolisan ang misibat nga suspek sa kremin.
