CAGAYAN DE ORO CITY-Dead on arrival sa ospital ang usa ka amahan tungod sa posibleng pag-atake sa hypertension diha sa Brgy Jampason,Jasaan,Misamis Oriental.
Giila ni Jasaan Police Station commander Police Capt Dennis Ebsolo ang biktima nga si Julito Dalumos,46 anyos nga nagpuyo sa Purok 1 sa maong lungsod.
Nakit-an na lamang ang patay’ng lawas sa biktima nga naglutaw sa kadagatan sa pipila ka residente sa maong lungsod.
Gidala pa sa ospital ang biktima apan pakyas nang maluwas sa mga doktor.
