CAGAYAN DE ORO CITY – Natugaw ang daghang katawhan sa pipila ka kabarangayan ug libuang mga motorista dihang nahiagom sa urban flooding ang syudad epekto sa nasinatian nga grabeng pag-ulan dala sa Intertropical Convergence Zone o ITCZ dinhi sa Mindanao.
Kini human nag-resulta sa pagka-missing ang grabeng pagbaha sa suba sa Brgy Cugman sa usa ka lalaki nga igo lang mi-rescue sa babayeng motorista kagabii.
Namahayag ang CDRRMD nga gilayong milusad sila sa search ug rescue operation apan wala pa nila ma-rekober ang maong biktima.
Hinoon,walay mga na-report nga adunay mga pinuy-anan nga nangaanod apan nasudlan sa mga tubig-baha.
Tipik sa mga naigo sa urban flooding ang Brgy Bugo,Brgy Cugman ingon man ang national highways sa syudad particular sa Kauswagan ning syudad.
Hisayrang una nang namahayag ang govt weather bureau nga duol nang mosulod ang ‘rainy season’ gikan sa ting-init nga panahon sa nasud.
