CAGAYAN DE ORO CITY-Duha ka mga anggulo ang gitutukan sa kapulisan nga motibo sa pagpamusil sa usa ka plea bargaining agreement beneficiary sa Purok Apitong, Maranding, Lala Lanao del Norte.
Kini human gipusil-patay sa duha ka mga suspek si Allan Valmoria, 29, menyo ug molopyo sa Purok 1, Abaga, sa maong lungsod.
Sumala ni Lala Municipal Police Station Commander Major Jonan Bañas nga bahin sa druga ug kaaway sa igsoon sa biktima ang posibleng mihimo sa krimen.
Kini ilabina nga naka pusil ang igsoon ni Valmoria, ug may nakumpiska usab nga sachet sa gituohang shabu sa patay’ng lawas niini.
Hisayran nga backride sa gimanehong motorsiklo sa biktima ang iyang asawa dihang kalit kining gipusil sa wala mailang suspetsado sa maong lugar.
