CAGAYAN DE ORO CITY-Mag-atubang sa kasong rape ang suspek nga giingong milugos sa 12 anyos nga menor de edad sa Ramonal Village,Brgy Camaman-an ning syudad.
Kini kon mapamatud-an sa medical examination nga nalugos sa suspek nga si Tonton Estrada ang menor de edad nga babaye nga nagpuyo sa syudad.
Miingon si Sr/Insp Edgar Villanueva,deputy commander sa Macabalan Police Station nga mismo sila ang mihimo’g entrapment operation batok sa suspek diha sa Osmenia-Hayes Streets sa syudad kagahapong adlawa.
Gibutyag ni Villanueva nga gitugyan na nila sa Cogon Police Station ang dugang pag-imbestigar ug pagkaso batok sa suspek sa piskalya ning syudad.
