CAGAYAN DE ORO CITY-Kasuha’g murder sa kapolisan ang usa ka lalaki nga gitumbok nga suspek pagpatay sa dalaga nga igo na lamang nakit-an sa tulay diha sa Brgy Sihayon,Tagoloan,Misamis Oriental.
Kini human natudlo sa construction workers nga si Reynaldo Flores ang ulahi nga gikauban sa biktima nga si Riza Mae Duero nga taga-Brgy Katipunan,Villanueva ning lalawigan sa wala pa nahitabo ang kremin.
Gibutyag sa imbestigador nga si SPO4 Tawide Galleon sa Tagoloan Police Station nga unang gipatoo sa suspek nga nalumos ang biktima apan wala sila motoo niini.
Sa pagkakaron,detinado ang suspek sa Tagoloan Police Station samtang giandam ang pagduso’g kaso sa piskalya ning syudad.
