CAGAYAN DE ORO CITY – Gi-angkon si Police Lt. Colonel Surki Serenias nga anaa sa Lanao del Norte nakapukos ang deployment sa mga kapulisan ubos sa Police Regional Office 10 samtang nagkaduol ang piliay.
Sa interbyu sa Bombo Radyo, wala na gibutyag ni Serenias kung unsang mga lugar sa maong probinsya ang gihatagan sa bug-at nga seguridad sa mga kapulisan kuyog ang kasundaluan.
Si Serenias unang namahayag nga kanunay dunay presensya sa “intense political rivalry” sa ilang gitutukan nga lugar busa gipaubos kini sa election hot spots o areas of concern sa Comelec.
