CAGAYAN DE ORO CITY-Wala na maka-botar pa sa iyang kaugalingon isip re-electionist ang brgy kapitan dihang gipusil-patay samtang natulog sa Brgy Malaganding,,Tubaran,Lanao del Sur.
Giila ang biktima nga si Hadji Ansary,hingkod ang panuigon ug nagpuyo sa maong lugar.Sa inisyal nga report,gisulod sa wala mailang suspek ang balay sa biktima ug gilayong gipusil-patay samtang natulog.
Giimbestigaran pa sa mga otoridad ang hitabo.Samtang sa pikas bahin,gipusil-patay gihapon ang laing sibilyan mismo sa adlaw sa piliay sa Saguiaran,Lanao del Sur.
Giila ang biktima nga si Louie Dunkin nga nagpuyo sa Iligan City.
Dead on arrival ang biktima nga nadala sa ospital sa Marawi City.Wala pa’y ideya ang kapolisan kon kinsa ang mga suspek nga mihimo sa kremin.
