CAGAYAN DE ORO CITY – Gideklara gihapon nga generally peaceful ang assessment sa Lanao del Sur Provincial Police Office sa bag-uhay lang natapos nga midterm election.
Kini bisan paman sa mga natala nga pagpang-ambush, rido ug grenade explosion ubos sa ilang area of responsibility atol sa piliay.
Matud ni Lanao del Sur Provincial Police Director Colonel Madzgani Mukaraam nga dako’g natabang ang deklarasyon sa martial law sa Mindanao hinungdan nga nagmalinawon ug nagmalampuson ang piliay ubos sa iyang area of responsibility.
Siya nagtoo nga kung wala ang martial law declaration, posibleng moresulta sa kagubot o mahimong failure of election ang Lanao del Sur.
