CAGAYAN DE ORO CITY-Mag-atubang sa patung-patong nga kaso ang municipal mayor ug laing upat ka kauban niini nga nasikop sa police checkpoint sa SeaPort Area, Barangay Baybay Triunfo,Ozamiz City.
Kini human nasikop sa tropa ni Ozamiz City Police Station commander C/Insp Jovie Espenido si Kolambogan Mayor Lorenzo Manigos nga gikan pa sa Lanao del Norte.
Gibutyag ni PNP regional spokesperson Supt Lemuel Gonda nga nakuha gikan sa posisyon ni Manigos ang tulo ka granada, duha ka kalibre 45 ug 9mm pistols.
Nasikop usab ang escorts ni Manigos nga sila si Ricky Bantillan, Mario Dayaman, Nestor Gabrinez ug Noel Agapia atol sa checkpoint
.Gihikay na ang kasong illegal possession of firearms and ammunition ang lima ka mga dinakpan.Una niini, giingong konektado ang nasampit nga mayor sa napatay nga mayor sa Ozamiz City.
Hisayrang sa panig usab ni Manigos,namugos kini nga kamulo pa nga proseso ang papeles sa ilang mga armas.
