CAGAYAN DE ORO CITY-Gihataga’g hugot nga seguridad sa kapolisan si Pantar,Lanao del Norte Mayor Jabbar Tago ug igsoon niini nga si Jameloding Tago sulod sa Camp Tomas Cabili sa Brgy Tipanoy,Iligan City.
Kini human boluntaryo mitahan ang magsoong Tago kay gitumbok sila nga akusado sa pag-ambush patay kang kanhi Pantar Mayor Exchan Limbona niadtong Disyembre 16,2016.
Miingon Iligan City Police Office Director Sr/Supt Leony Roy Ga nga ang magsoong Tago ang nag-atubang sa kasong murder ubos sa sala ni RTC Branch 5 Presiding Judge Silvestre Orejana Jr.
Si Mayor Tago ang unang nasikop sa militar apan nakagawas dihang nakuhaa’g daghang armas sa Brgy Punod
ug Sundiga,Lanao del Norte sa bespiras sa May 14 brgy ug sk elections.
