CAGAYAN DE ORO CITY-Gihangyo ni Lanao del Norte Gov Imelda Dimaporo si Pres Rodrigo Duterte nga dili tugtan nga dunay puwersa nga makahimo’g kagubot samtang mobotar ang mga botante sa plebisito unom ka lungsod sa ilang probinsya.
Gihimo ni Dimaporo ang apelar sa kabalaka nga mogamit ang MILF sa ilang mga miembro aron hadlukon ang mga botante nga supak maapil ang unom ka lungsod sa Lanao del Norte sa Bangsamoro Organic Law o BOL.
Una niini,nangayo usab sa tabang si MILF North Western Mindanao Front legal counsel Atty Salahoden Benhamza kang Duterte sa pasangil nga gi-harass sa mga Dimaporo ang ilang grupo nga nangampanya sa pro-BOL.
Samtang nangayo’g tabang ang provincial govt officials sa kapolisan nga mahatagan sa seguridad ang mga botante alang sa plebisito sa unom ka lungsod aron masakop sa Bangsamoro Organic Law o BOL sa Lanao del Norte.
Gihimo ni Lanao del Norte Gov Imelda Dimaporo ang apelar tungod sa kabalaka nga magdala’g dakong puwersa ang MILF gikan sa Lanao del Sur ug Cotabato aron isabwag sa kalungsuran nga molambigit sa BOL plebisite ning adlawa.
