CAGAYAN DE ORO CITY – Nadugangan ang ihap sa mga bag-ong Pinoy boxers nga giila mga kampeon sa ilang tagsa-tagsa ka gidala nga timbang sa pangkalibutanon nga mga away.
Kini human milampos pagsakmit ang taga- Kapatagan,Lanao del Norte nga si Marlon ‘The NightMare’ Tapales pagkuha sa duha ka bakus sa super bantamweight division titles sa World Boxing Association ug International Boxing Federation sa ilang away ni Uzbekistan boxer Murodjon Akhmadaliev sa Texas,USA kagahapong adlawa.
Nasakmit ni Tapales ang maong mga bakus pinaagi sa split decision nga hukom sa mga hurado nga naglakip sa 115-113,115-113 ug 118-110 nga pulos pabo kaniya.
Gihuptan na ni Tapales ang record nga 37 ka daug,3 pildi ug 19 knockouts.
Hisayrang una nang gipang-ila nga kampeon si Dave Apolinario nga taga-Saranggani Province alang sa International Boxing Organization flyweight title ug Melvin Jerusalem sa Manolo Fortich,Bukdinon sa WBO mini-flyweight belt nga nakuha nila magkalahing away gawas sa nasud.
