CAGAYAN DE ORO CITY – Gisirad-an ni Gov Imelda Dimaporo ang Balo-i Provincial Hospital nga nakabase sa lungsod sa Balo-i,Lanao del Norte.
Kini human dunay lima ka health workers nga nag-positibo sa coronavirus disease 19 dihang gipaubos sa diagnostic rapid test.
Miingon si Dimaporo nga gipaubos usab sa kuwarantinas ang laing 39 ka health workers sa aron dili makatakod sa dugang residente sa Lanao Norte.
Sa pagkakaron,gihulat na lamang nila ang resulta sa confirmatory reverse transcription-polymerase chain reaction sa pagsiguro nga dili mabutang ang panglawas mga pasyente.
