CAGAYAN DE ORO CITY – Gitakdang bubu-an sa puwersa sa mga sundao’g pulis ang pipila ka lungsod nga sakop sa Lanao del Norte sa mismong adlaw sa May 12 elections.
Kini human isulti sa maong deputy govt security forces atubangan sa Commission on Elections nga adunay pipila ka munisipyo nga ubos sa red category tungod sa gilauman nga init nga bangi sa politika sa pagsugod sa kampanya hangtod sa katumanang adlaw sa piliay.
Miingon si Police Regional Office 10 spokesperson Major Joann Navarro nga gawas sa maong pinakataas nga kategorya,napun-an usab ang ihap sa mga lungsod ug mga dakbayan nga ubos sa yellow ug orange categories.
Nagkahulugan kini nga bantayunon usab ang kahimtang sa ilang seguridad gumikan sa kanhi init nga ayaw-politika sa mga kandidato ingon man ang presensiya sa armadong mga pundok nga naglakip sa CPP-NPA.
Hinoon,gipaniguro ni Navarro nga andam na sila paghatag seguridad sa eleksyon sa tibuok rehiyon.
