(Update) CAGAYAN DE ORO CITY-Emosyonal nga nagpasalamat si Lanao del Sur Gov Bae Soraya
Alonto Adiong kang Presidente Rodrigo Duterte ug ubang opisyal aron magawasnon gikan sa mga kamot sa
teroristang Maute-ISIS ang Marawi City.
Kini human hingpit nang gideklarar mismo ni Duterte ang paglaya dihang napatay sa militar sila si Omar
Maute ug Isnilon Hapilon sa engkuwentro sa main battle area sa miaging Oktubre 16.
Miingon si Adiong nga unta dili sila biyaan sa gobierno aron subli makabangon ug mabalik ang kahimsog sa
ilang ekonomiya ug normal nga gimbuhaton sa mga residente niini.
Samtang gitakda usab iduso ni City Mayor Majul Gandamra ang ilang rehabilitation program plan sa
hingtungdang ahensiya ning adlawa.
Gibutyag ni Gandamra nga inisyal nga 70 bilyon pesos ang natala nga damyos sa kagubot sa ilang syudad.
Wala usab kalikayi ni Gandamra nga madumduman ang unang mga adlaw diin sila naglisod pag-depensa sa
city hall aron dili mailog sa mga terorista nga ugbukan unta sa bandila sa ISIS niadtong Mayo 23,2017.
