CAGAYAN DE ORO CITY – Nakabawi na ang Philippine Drug Enforcement Agency-Bangsamoro Autonomous Region in Muslim Mindanao (PDEA-BARMM) sa sobra 22 kilos nga shabu nga mikostar sa kapin 143 milyones pesos sulod ning tuiga.
Namahayag si PDEA -BARMM regional director Gil Cesario Castro nga sa maong magkalahing operasyon sugod Enero ning tuiga, nasignit nila ang 62 ka notorious drug personalities sa mga lugar nga sulod sa ilang jurisdiksyon.
Siya miingon nga pinakadako nila nga nakuha nga gitoohang shabu gikan sa suspek nga si Zacaria Jaji Nandang alias Dats sa operasyon nila sa Marawi City nga lima ka kilo nga dunay 34 milyones pesos nga estimated market value sa miaging Abril 2024.
Siya miingon nga gisundan kini sa halos 14 milyones nga kantidad sa shabu gikan sa Indanan,Sulu sa milabay’ng Mayo.
Gipasabot ni Castro nga napasayon ang pagtumbok ug pagdakop sa mga sakop sa sindikato tungod sa dakong tabang sa Bangsamoro Anti-Illegal Drug Task Group.
