CAGAYAN DE ORO CITY – Gipaubos na community quarantine ang mga lungsod nga sakop sa Lanao del Sur ug ang syudad sa Marawi gumikan sa migrabe nga bahad sa corona virus disease.
Kini human itug-an sa Lanao del Sur Integrated Provincial Health Office nga tulo na ka tawo ang namatay sa maong sakit samtang dunay unom ang person under investigation.
Miingon si Lanao del Sur Gov Mamintal Adiong Jr nga walay gusto unta niini apan paghatag proteksyon ang nag-unang tumong sa pag-kuwarantinas sa probinsya.
Siya miingon nga gipangita pa usab nila ang tulo ka tawo nga person under investigation nga nagtagu-tago kay dili gusto mopaubos sa medikasyon.
Epektibo ang community quarantine sa Lanao Sur ug Marawi City ning adlawa.
