CAGAYAN DE ORO CITY -Gihupay ni Philippine Institute of Volcanology and Seismology o Philvolcs Director Reynato Solidum nga dunay dautang epekto ang pagtay-og sa 6.0 magnitude nga linog sa amihan-kasadpang bahin sa Balindong,Lanao del Sur.
Gibutyag ni Solidom sa Bombo Radyo nga bisan kusog ang linog apan labihan kalawom ang epicenter niini nga anaa sa 617 kilometros sa maong lungosd kagahapon sa hapon.
Gani,wala na’y natala nga aftershocks sa maong linog nga tectonic in origin dihang kini mitay-og kagahapon sa hapon.
Samtang giklaro sa gobiernong probinsyal nga walay apektadong katawhan ug kabtangan sa pagtay-og sa 6.2 magnitude nga linog sa lungsod sa Balindong,Lanao del Sur.
Kini bisan sa kakusog sa maong tectonic in origin nga linog nga dunay ginlawmon nga kapi’g 600 kilometros sa episentro niini.
Gibutyag ni Jenny Tamano, ang information Officer sa Lanao del Sur provincial government nga gimando na ni Gov Bedjoria Soraya Alonto Adiong ang pagpasusi sa PDRRMC sa probinsya aron sutaon ang gibilin nga damyos sa linog.
Una niini,gibutyag sa Philvocs nga dili makaapektar ang maong linog tungod sa sobra kalawom sa tinubdan sa puwersa kagahapon sa hapon.
