CAGAYAN DE ORO CITY – Nagbaton na sa person of interest ang kapolisan kabahin sa senior citizen nga caretaker sa yuta nga gipatay sa wala mailang mga suspetsado sa Zone 7,Lower Malasag,Brgy Cugman ning syudad kagabii.
Giila ni Cugman Police Station commander Maj Rutherford Ondin ang biktima nga si Aurelio Jabeniao,68 anyos,minyo ug nagpuyo sa lugar.
Giingong gipusil ang biktima apan nagdumili pa sa pagkompirmar si Ondin kay walay nakit-an nga mga basiyo sa armas sa mismong crime scene.
Gitakdang ipaubos sa otopsiya ang patay’ng lawas sa biktima aron masuta kon gipusil o gidunggab ang ulo sa biktima hinungdan sa kamatayon niini.
