Langaw free!
Kini ang target ni City Mayor Rolando Klarex Uy sa tanan pampublikong merkado ning syudad.
Namahayag si City Health Office (CHO) Chief Dra. Rachel Dilla mismo ang mayor ang mipagawas sa direktiba nga palimpyuhan ang merkado sa Cogon sama sa nahitabo sa miaging COVID-19 pandemic.
Gawas niini, gibutyag ni Dra Dilla, nga maoy gihimong inspirasyon sa mayor ang limpyo nga mga merkado sa Singapore, dihang kini nagbakasyon.
Kini ang rason nga nasugdan sa CHO, pinaagi sa tabang sa Bureau of Fire Protection (BFP-10), City Local Environment and Natural Resources Office (CLENRO) ug City Economic Enterprises and Business Development Administration (CEEBDA) ang fumigation o pagpa-aso aron mamatay ang tanan, langaw, lamok, ok-ok, bakukang ug uban pang mga peste sulod sa merkado.
Tumong niini nga mahatag sa preventive health measures ang mga vendors aron mas kasaligan sa konsumante ang ilang mga produkto sama sa presko nga gulay, karne, prutas ug uban pa.
