Maghimo sa lapad nga lihok protesta kontra korapsyon ang pipila ka grupo sa Pebrero-25, dungan sa anibersaryo sa EDSA People Power Revolution.
Sumala ni Dr. David San Juan, convenor sa Taumbayan Ayaw sa Magnanakaw ug Abusado Network Alliance (TAMA NA), gisapinal na ang mga kalihokan nga ipahigayon sa usa ka adlaw nga rally, sama sa pagmartsa sa EDSA, protesta sa EDSA Shrine, misa, ug uban pang programa nga magpahayag sa kasuko sa katawhan batok sa korapsyon.
Base sa inisyal nga pulong, makig-uban usab ang mga raleyista nga mitambong sa Trillion Peso March sa Luneta niadtong September-21 ug sa rally sa November-30.
Dugang pa, nagpakita na usab sa ilang pakig-uban ang ubang grupo nga nagtinguha nga ipakita ang panaghiusa ug kusog sa katawhan aron ipadayag ang ilang pagdumot sa padayon nga korapsyon sa nasud.
Ang maong kalihokan gilauman nga mahimong dakong pahimangno sa mga lider nga ang katawhan dili mopasagad ug mopadayon sa pagpanawog sa hustisya ug kausaban.
