CAGAYAN DE ORO CITY-Nagtoo si Lapasan Brgy Chairman LetLet Ogsimer nga dili lumad nga mga residente ang pipila sa nadakpan sa PDEA -10 sa gilusad nga drug buybust operation sa ilang brgy.
Namugos si Ogsimer nga bisan sila ang nakurat kon nganong wala pa mahurot ang mga drug addict sa ilang dapit.
Gikakurat usab niini nga mukabat sa 90 ka PDEA agents ang nakita sa iyang barangay kagawad atol sa ilang gihimong operasyon.
Una niini, mokabat sa dul-ag 20 ka suspected shabu addict ang nadakpan sulod sa usa ka drug den nga nahimutang sa ilang barangay.
Samtang wala na gitubag ni Ogsimer ang mga akusasyon nga dunay pamulitika nga nahitabo sa lapad nga drug raid nga gihimo sa PDEA.
Namahayag ang kapitan nga himoon nila ang tanan aron mapaspasan pa ang pagpalayas sa mga drug dealer sa ilang lugar.
Gitinguha usab sa opisyal nga hugtan pa ang ilang koordinasyon sa PDEA aron mapalig-on ang ilang BADAC.
