CAGAYAN DE ORO CITY – I-biyahe na pabalik South Korea ang nabilin nga 70 ka container vans nga puno sa mga basura nga unang gipalusot sa Verde Soko Philppines diha sa Tagoloan,Misamis Oriental sa tuig 2018.
Kini tungod kay natibawas na ang paghipos sa maong mga basura nga gi-abandonar sa mga Koryano nga nagpalusot niini dihang nasapon ang ilang modus operandi.
Miingon si Mindanao Container Terminal collector John Simon nga maoy kargahan ang barko nga BF Mahia alang sa re-exportation sa maong mga basura.
Dumduman nga una nang napabalik ang 250 ka container vans sa Korea niadtong Enero ning tuiga.
Hisayrang may mga kasuhan tungod sa maong pagpalusot sa imported garbage gikan sa Korea pasulod sa Pilipinas niadtong Hulyo 2018.
